98                 TESTAMENTS ENREGISTRÉS AU PARLEMENT DE PARIS            (338)
laboureurs ou autres, que madame Perrenelle sa femme en soit creuë seule et pour le tout, et que ce que elle vouldra dire et ordonner sur ce qu'il leur sera deu, que iceulx serviteurs soient de ce paiez.
Item, le dit testateur veult et ordonne que, tantost qu'il sera alez de vie à trespassement, il soit porté au dit lieu de Roye, et que en le por­tant au dit lieu, il soit porté à Sercelles, à Liencourt en Beauvoisis, à Buvrines où il fu nez, et que en chascune eglise des diz lieux soit chanté et celebré sur son corps unes vigiles et messe; et laisse et donne à chascun curé des dictes villes xl solz Parisis et à l'euvre de chascune eglise xl solz Parisis.
Item, après son dit enterrement fait, son service soit fait en l'eglise Saint Jehan en Greve, à Paris, dont il est parroissien, et ordonne estre donné aux povres pour Dieu lx livres Tournois, et tout ce estre fait à l'ordonnance de ses diz executeurs.
Item, il donne et laisse à l'euvre de la dicte eglise Saint Jehan en Greve xl solz Parisis, au curé d'icelle eglise xl solz Parisis.
Item, il donne et laisse à l'eglise des Billettes de Paris une cou­verture de lit de cendail vermeil, du pris de xxim livres Parisis.
Item, il donne et laisse à l'Ostel Dieu de Paris x livres Parisis.
Item, ii donne et laisse aux quatre ordres Mendiens principaux à Paris à chascun xx solz Parisis, et diront vigiles en la dicte eglise Saint Jehan en Greve à son service.
Item, oultre ce que dessus est dit, il donne et laisse à l'euvre de la dicte eglise de Buvrines xx solz Parisis de rente que ie dit testateur prent sur les heritages de Jehan Bequët,et avecques ce donne à ia dicte euvre toutes les terres arables que il a ou terroir de la dicte ville de Buvrines, parmi ce que la dicte euvre souslendra d'ores en avant à tousjours les quatre angeloz qui sont aux quatre cornez du grant autel d'icelle eglise, et les alumera la dicte euvre. Et si feront chanter les marregliers de la dicte eglise chascun an à tousjours en tel jour que Ie dit testateur trespassera, un obit solennel pour l'ame de lui.
Item, il donne ét laisse à tousjours à la dicte eglise Saint Florent de Roye son bois appellé la Rigale, parmi ce que chascun an à tousjours-